حلقة 18جواز على ورق

1994 Words

مرت الأيام والساعات ولينا تتجنب التعامل مع مراد ألا إذا ظهر مازن أو چرمينال ولكنهم اختفوا تماما ولم يظهروا منذ فترة طويلة مما جعل الأمور أكثر هدوءا ولكن بابا استا ولوا لم يطمئن لهذا الاختفاء الغريب وظلت الحياة تسير على وتيرة واحدة يعملون بالمزرعة ولينا تتابع منافذ البيع وهكذا وذات يوم جاءت لينا ل الاطمئنان على أحوال بابا أستا ولوا . - وحشتني يا راجل يا عجوز - أنتي وحشتيني اكتر - أخبارك ايه - زي اهرامي - هههههه بقيت تألش انت كمان اهه - اقعدي يا بت عايزك - خير يا بابا استا ولوا - أنا بطلب ايدك لمراد - هو طلبني وانا قلتله رايي - أنا ما ليش دعوه بيه - يعني ايه - طلبه غير طلبي - مش فاهمه - أنا عايزك تنجوزيه ع الورق بس - يعني ايه - يعني قدام الناس كلها متجوزين لكن بينك وبينه انتوا احرار - وليه كده - اهو كيفي كده - يا سلااااااام - يا بت أنا عايزك معايه على طول - ما أنا معاك على طول - لا عايزك معاية تبقي بنتي وانتي وهو حرين - سيبني افكر شوية في المسلسل التركي ده - ههههه مسلسل تركي - اه هما الاتراك أو الهنود كل مسلسلاتهم كده أتنين بيتحوزوا ع الورق - وبعدين بيحبوا بعض - عشان كده فكرت في الفكرة دي صح وقعت بل**نك - أنتي بتتلككي وبعدين أنتي خايفة توافقي عشان أنتي بتحبيه اصلا مش لسه هتحبيه - أصلا . مالك متأكد ليه كده - يا بت عينك فاضحاكي أنتي وهو - يا سلاااا. اااااام - أه يا سلااااا اااااام - أنت محسسني أنه متيم ليه كده - هو متيم فعلا - حتى لو بيحبني هو مش عايز يتجوز - أمال طلبك ليه - طلبني بسبب ظهور مازن و چرمينال وكمان كرامته وجعته لما چرمينال قالتله مين هيرضى بيك وانت لسه خارج من مستشفى المجانين - على اساس انك مش معرفة مستشفى المجانين - ما أنا عارفة أن كلنا في الهوا سوا - طيب هو مجنون ومطلق وانتي مجنونه وبايرة يعني يا دوب لايقين على بعض - ايه اللي بتقوله ده يا بابا استا ولوا - يا بت اتنيلي أتجوزي واعملي بيت متخليش الكرامة تاخدك - هههههه لا أنا كده كويسه مش عايزة اتجوز - خلاص اتجوزيه ع الورق محدش قالك اتجوزيه بجد - ايه الفرق يعني في كل الاحوال جواز - مش عارفة ايه الفرق - لا مش عارفه . في كل الاحوال هبقى مراته ويحمل اسمه - طب وايه المشكلة معجبكيش أبقى اطلقي وهو مش هيتمسك بيكي وانتي مش عايزاه - هو في كل الاحوال مش متمسك بيا - يا بت أمال طلبك ل الجواز ليه - ل الاسباب اللي قلتها لك - تفتكري مراد صحيح صعب يلاقي بنت ترضى بيه - لا طبعا عارفة أن البايرين كتير - يا بت مفيش حاجة اسمها بايرة ولا معنسة لكن خسارة العمر اللي بيجري ده - أنا ضيعت العمر اللي فات ده عشان اتجوز حد بيحبني حد عايزني أنا مش حد عايز يتجوز وخلاص ولا حد مضطر يتجوز لاي ظروف تانية - يا بت يا ها**ه دا بيتلكك بالمواضيع دي لو مش عايزك مكانش طلبك - طيب سيبني افكر يا بابا استا ولوا - فكري كويس وافتكري أن حتى لو اتجوزتي ع الورق هتريحي قلب امك وتريحيها من كلامها في جوازك وقاعدتك لغاية دلوقتي - عرفت تضغط ع الجرح هفكر وارد عليك انصرفت لينا وذهبت لتتابع سير العمل بمنافذ البيع ثم انتهى اليوم وأستعدت ل العودة ل البيت مع زين وعشماوي و أثناء سيرهم في الطريق حيث عادوا جميعا من فرع شبرا قريبا من منزلهم فقال عشماوي . - مش عايزك يا لينا تتاخري تاني في المزرعة قبل المغرب تكوني مروحه - او على الاقل تكوني في فرع شبرا عشان تبقى قريبة من البيت - ليه يا زين . ليه يا عشماوي ، أنتوا ما لكم اليومين دول متغيرين ليه - اسمعي الكلام وخلاص المزرعة دي غريبة وبتحصل فيها حاجات غريبة - ما تقلقوش عليا وبعدين لو عرفتوا أن مراد طلب ايدي و لو وافقت هعيش معاه في المزرعة على طول - ايه . بتقولي ايه ده على جثتي - هو ايه ده اللي على جثتك يا عشماوي - احنا صحيح عايزين نجوزك لكن مش مستغنيين عنك - مستغنيين عني . ايه الكلام الغريب ده يا عشماوي - ايوه يا لينا احنا خايفين عليكي من القاعدة في المزرعة دي - ليه يا زين ما لها المزرعة - المزرعة دي مريبة وصلوا إلى البيت فطرقوا الباب فتحت لهم أمهم وهم مستمرين في النقاش و أصواتهم عاليه فقالت امهم . - ايه يا اولاد ما لكوا - الهانم بنتك الأستاذ مراد طلب أيدها - والنبي بجد ألف مب**ك - أنا لسه مقررتش هوافق ولالا - وحياة امك أنتي تطولي - ما هو عشان ما اطلش - يا ماما ده عايزها تقعد معاه في المزرعة - وما له يا زين الست تقعد مطرح ما يقعد جوزها - ده على جثتي - ليه يا عشماوي - من الاخر كده المزرعة دي ساكنها أشباح - أشباح - والنبي في حاجة اسمها أشباح بزمتك - أه فيه وشفناها بعننينا - شفتوا ايه - شفنا شبح بنت مراد عشان كده صدقناكي لما قلتي انك شفتيها - بس دي مكانتش شبح - احنا شفناها شبح - شبح ازاي يعني - صدقونا شفناها أنا وعشماوي احنا الاتنين مجانين - حتى لو فيها أشباح . عارف أختك دي لو طلعلها عفريت هو اللي هيهرب ههههه - ما شي يا ماما متشكرة أووي - عايزها يجيبلها شقة هنا في شبرا - ههههه شقة في شبرا بزمتك أنت مش اهبل - اتلمي يا بت - ههههه يا خيبتك ما هي عندها حق - حتى انتي يا ماما - يعني تسيب قصر زي ده وتقوله عايزة شقة في شبرا - قصر مسكون بالعفاريت - ههههه عفاريت عفاريت هي راضيه وانا راضيه - أنا لسه ما وافقتش يا ماما - ما وافقتيش وحياة امك دا الفرحة هتنط من عينك - يا ماما الأستاذ مراد ده مجنون - ههههه ضحكتني يا زين ما هي أختك أجن منه - ما شي يا ماما خليكي فاكراها - حسك عينك تفتحي بوئك احنا ما صدقنا - ما تهزر ريش في موضوع زي ده يا ماما - وحياة امك ما بهزر أنا ما صدقت ألاقي واحد مجنون زيك وراضي بيكي - خليكي فاكره كل كلامك ده عشان لما اتجوز وامشي ما اجيش تاني ما تزعلوش - ماما بتهزر يا لينا - لا يا اختي مش هنزعل بس تتجوزي - ما شي يا ماما ماشي استيقظوا مبكرا لعملهم و ذهبوا ل المزرعة ومرت لينا على بابا أستا ولوا - صباح الخير يا بابا استا ولوا - صباح النور يا عروسة - أنت خلاص قررت - فكرتي ولا لسه - مش أنا قلت لماما وأخواتي - كويس . وبعدين - عشماوي وزين مش موافقين لكن ماما ما صدقت - وعشماوي وزين مش موافقين ليه أن شاء الله احنا مش من مستواكوا - هههههه اه طبعا شرطهم تجيبولي شقة في شبرا - ههههههه وما له نجيبلك شقة في شبرا - ونقعد فيها أنا ومراد - ونسيب المزرعة ونبعد عن شغلنا - بيقولوا المزرعة مسكونة بالعفاريت - عفاريت ؟! ! - بيقولوا انهم شافوا شبح بنت مراد - بنت مراد ماتت في المستشفى ما ماتتش هنا وبعدين بنت مراد ماتت عمرها سنتين وكام شهر يعني ملاك ازاي كلكوا شفتوا شبحها أنا مش فاهم - أنا مقلتش اني شفت أشباح أنا بقول شفتها - هو انتي تعرفيها شفتيها قبل كده - لا معرفهاش لكن مراد اكيد عارف بنته شافها صرخ وقال بنتي وانا شفت البنت اللي صرخ وجري ناحيتها - أنا عايز افهم اللغز ده - وانا كمان يا بابا استا ولوا نفسي افهم - عموما انا هفكر واشوف ازاي ادور ورا المواضيع دي تركته لينا ورحلت لتتابع عملها أتى مراد ليجلس مع بابا أستا ولوا ليسأله عن ما حدث مع لينا . - لقيت لينا معاك استنيتها لما تمشي مش عايز احتك بيها اليومين دول خصوصا انها بتتجنبني . - لا اطمن خلاص على وشك أنها توافق - صحيح - اه صحيح - أشمعنى . عملت ايه يعني خلتها توافق - قلتلها انكوا هتتجوزوا ع الورق بس - نعم . ليه أن شاء الله عندي جرب - هههه الظاهر كده - ليه قلتلها كده - عشان هي مش مقتنعة انك متمسك بيها وعايزها لو جدع تقنعها وتخليها تطمن أنها بالنسبالك مش مجرد واحده هتتجوزها وخلاص ومعاها حق - اعملها ايه يعني - أنا اللي هعلمك تعملها ايه - المفروض بعد اللي حكي تهولها هي اللي تحاول تعوضني وتطمني - هي مش مسئولة عن تجربة فاشلة مريت بيها قبلها و سبب فشلها سوء اختيارك ما تا كلش من الزبالة وتسأل ليه جالك تسمم وتحمل اللي حواليك المسؤولية - عارف انك هتسمم بدني هي لينا هي اللي بنتك - أنا مع الحق وانت عارف ، لينا خايفة تشك في حبها ليك بسبب الماضي محتاجاك تطمنها - مش لما اطمن أنا الاول - بطل هبل أنا بقولك البت دي معدنها اصيل وهتخسرها لو مغيرتش طريقتك معاها - ما أنا كنت فاكر چرمينال بتحبني برضوا - فاكر اول ما شفت چرمينال معاك قلتلك ايه - فاكر . وما سمعتش الكلام تذكر مراد ما حدث وكأنه شريط سينمائي يمر أمام عينيه وكأنه يحدث الان حين عاد من الجامعة ومعه چرمينال وجلسا معا في ساحة الڤيلا بالمزرعة وخرج بابا استا ولوا ومراد يداعبها وهي تضحك ضحكة رقيعة - اذيكوا - اهلا بابا استا ولوا چرمينال زميلتي في الجامعة - اهلا يا چرمينال - اهلا يا بابا استا ولوا مراد مالوش سيرة غير بابا استا ولوا بابا استا ولوا - هههههه اكيد أنا جده وأبوه واقربله من اي حد - هههه ده لغاية دلوقتي مش مضمون بعد كده مين اقربله - ههههه ممكن كل شئ جايز - دا اكيد يا بابا استا ولوا مش جائز - معاكي حق بس الطيب احسن - ههههه معاك حق - انتوا بتقولوا ايه أنا مش فاهم حاجة - عشان مغفل هههه - ليه كده يا بابا استا ولوا - ايه رايك يا قمر سيبك من الواد ده وتعالى نتجوز أنا وأنتي هههه - ههههه شربات يا بابا استا ولوا دمك شربات - دانتي اللي مهلبيه بالقشطة - هههههههه دانت بتعا** بجد بقى قضت چرمينال عدد ساعات طويلة من اليوم وظلت تسأل عن كل شيء خاص بالمزرعة والأرباح والمكاسب وهل ستعيش معه حياة مرفهة أو لا وتأمر وكأنها امتلكت كل شيء بالفعل وبابا استا ولوا يراقب كل شيء دون أن يتدخل وقضت يومها وذهب مراد كي يطمئن عليها أخذها بالسيارة حتى باب بيتها ثم عاد إلى المزرعة فوجد بابا استا ولوا في انتظاره . - وصلت الهانم لغاية بيتها - اه طبعا أمال اسيبها تمشي لوحدها - لا طبعا ، بتحبها - اه وهتجوزها - هي بتحبك - طبعا - طيب عشان تكون فاهم دي ما بتعرفش تحب غير نفسها - ليه بتقول كده يا بابا استا ولوا - صدقني مش هتنفعك ولا تنفع زوجة ولا أم - ايه الكلام ده يا بابا استا ولوا - بكرة تقول بابا استا ولوا قال وافتكر اللحظة دي - اكيد انت عارف أن مش كل اللي الستات اللي اتجوزا ينفعوا امهات - أنا عارف انت بتلمح لايه بس بكرة تندم على طولة ل**نك دي - ماهي بنتك لازم تشهد لها - أنا عارف انها غلطانة لكن الظروف كانت أقوى منها وانت عارف وكل اللي حصل كان سببه خوفها عليك - عموما ده مش وقته ولا مجاله - هتسامح امتى - هسامح مين انا مش زعلان من حد - كل ده ومش زعلان سامح يا مراد . سامح عشان نفسك مش عشان حد - المهم دلوقتي أنت معترض على چرمينال ليه - أنا عمري ما هفرض عليك حاجة لكن حقيقي هتخسر كتير - ليه يعني هخسر ايه أهي تجربة زي الناس اللي بتجرب - جرب يا مراد محدش هيمنعك من التجربة - طبعا انا حر - لكن ما تلمش غير نفسك في الاخر البت دي ما بتحبكش وانت تستاهل واحدة تحبك وافتكر الكلام ده كويس - هفتكر يا بابا استا ولوا هفتكر حاضر أنا أصلا ما بنساش نظر له بابا أستا ولوا وهو يهز جسده ويقول - ايه رحت لغاية فين - افتكرت يا بابا استا ولوا افتكرت - مش بقصد اقلب عليك المواجع بس عايز اقلك زي ما طلع كلامي صح على چرمينال كلامي هيطلع صح على لينا - ربنا يستر - يا بني فرق السما من الارض وبعدين انت نفسك حاسس بالفرق - الحقيقة فعلا اني حاسس أنها مختلفة وده اللي شدني ليها - أنا حطيت رجلك على أول الطريق أنت وشطارتك - فهمتك يا راجل يا عجوز هههه - مب**ك انك فهمت - هههههه خلبوص أنت خلبوص -

Free reading for new users

Scan code to download app

App Store Google Play

Facebookexpand_more