"Wala ka pong work, Mommy?" usisa ni Erom sa kalagitnaan nang panunuod namin ng cartoons.
Tipid akong ngumiti sa kanya saka marahan na hinaplos ang munti niyang mukha. "I took a leave," I answered.
Ito ang pangalawang araw na hindi ako pumasok ng trabaho. Agad akong nagsabi ng sick leave sa head manager namin no'ng nakaraan pagkatapos kong silipin ang record ni Valjerome sa logbook. Dalawang araw ang nakalagay na check in days niya sa hotel kaya nasisigurado kong wala na siya bukas na bukas din.
"Mom," Erom called that caught my attention.
"Yes, my prince?"
Ang kanina niyang paningin na nakatuon sa akin ay unti-unting naglikot. "Can I stay with you during weekends, Mom?" pahina niyang sambit.
Natigilan naman ako at hindi agad nakaimik. Nakatitig lang ako sa anak ko na tila hindi maka
