Ikalabing-walong Kabanata
MAGHAHATING-GABI na ngunit hindi pa rin dinadalaw ng antok si Caren. Mahigit dalawang oras na rin niyang nililibang ang sarili sa pagbabasa ng aklat na may kinalaman sa Law.
But she was too distracted na kahit anong pilit niyang i-centralised ang isip sa binabasa’y walang pumapasok sa utak niya.
Junger filled her mind. Isang linggo na itong walang paramdaman. Ilang beses niya ito sinubukang tawagan ngunit nakapatay ang cellphone nito. Wala rin siyang nadatnan ni anino nito sa tinitirahan nitong bachelor's pad nang bumalik siya roon kaninang hapon kasama si Louise at Reymondo.
Ilang araw nang kipkip ni Caren ang desisyong sabihin kay Junger ang lahat nang nalaman niya mula kay Celeste Realina. Ang komprontahin ito’t linisin ang ano mang bumabalakid sa pagitan
