Ikalabimpitong Kabanata
HINDI ALINTANA NI Caren ang maginaw na tubig-ulan at hangin na pumapasok sa loob ng lumang pickup truck ng Itay ni Lottie. Walang tigil na binabalik-balikan niya sa isip ang pag-uusap nila ni Celeste.
At labis siyang naguguluhan kung alin sa mga damdamin niya ang bibigyan niya ng pansin. Kung alin ang babalewalain. Gusto nang sumabog ng kalooban niya.
They were halfway back to Jerdeleza’s hacienda when rain poured heavily. Wala na ang salaming bintana ng pickup truck kaya malayang nasasalakay ng ulan ang loob niyon, dahilan upang mabasa si Caren, maging si Lottie.
Sa kamalas-malasan ay nagkaroon pa ng aberya ang makina ng pickup truck kaya kinailangan pa nila itong idaan sa talyer. Alas otso pasado na ng gabi nang makabalik ng caida si Caren.
Kababakasan ng t
