SIMULA nang araw na iyon ay inumpisahan na ni Tere na iwasan si Liam para bigyan muna ito ng space. Umalis siya sa master's bedroom at lumipat sa ibang kuwarto.
Gayon pa man ay patuloy pa ring ginagampanan ni Tere ang obligasyon niya bilang asawa kahit hindi na siya inoobliga ni Liam.
In fact, isang buwan na siyang nahihirapan sa paglalaba, paglilinis, pagpaplantsa, at pagluluto. Pero hindi pa rin siya sumusuko. Gusto niyang kahit papaano ay may makitang dahilan si Liam para hindi nito pagsisihang pinakasalan siya. At masaya si Tere na unti-unti na niyang natutunan ang mga iyon. Natutuwa siyang napagsisilbihan niya ang kaniyang mahal.
Hindi na rin sila gaanong nag-uusap kung hindi naman sobrang importante. Masakit. Pero kailangan niya munang respetuhin si Liam. Baka nga iyon ang kailan
