IYON na marahil ang pinakamalungkot na naging biyahe ni Tere. Dahil magkasama nga sila ni Liam bilang mag-asawa, hindi naman sila magkatabi ng upuan sa loob ng private chopper na pag-aari na nito. Hindi na nga siya kinausap, tinulugan pa.
Pagdating nila sa Maynila ay ibang mansion na ang pinuntahan nila pero sa Taguig pa rin. Mas malaki at maganda kaysa sa nauna. Napakalaki na rin ng rectangular swimming pool na nasa eight hundred square feet yata ang sukat. May mga puno sa paligid na animo'y nasa isang luxurious resort lang. Sa katabi naman nito ay isang napakalawak din na court for playing sports.
Sabagay, isa na nga pala sa kilalang bilyonaryo sa buong Asya ang asawa niya.
Lalong nalula si Tere nang sa pagpasok nila ay may nakita siyang malawak na home bar at wine cellar. May ganoo
