"HIJA, pumasok ka na at mahamog na riyan sa labas. Baka sipunin ka pa," muling tawag ni Don Amado kay Tere nang makita nitong nasa duyan pa rin siya sa loob ng kanilang malawak na bakuran.
"Susunod na po ako, Papa. Magpapatunaw lang ako ng kinain ko," malungkot na katuwiran ni Tere. Napakatamlay niya habang inuuga ang duyan.
Ang totoo niyan, hindi naman siya nakakain nang marami sa dinner nila. Hindi dahil sa ayaw niya ang ulam nilang ginataang langka at pritong isda. In fact, paborito nila iyong mag-ama. Masiyado lang umasa si Tere na chopsuey with atay ang magiging ulam niya ngayong gabi.
At ang akala niya ay makakasabay na niya uli ito sa hapunan. Ipaghahain siya, ipaghihimay, at susubuan. Pagkatapos nilang kumain ay ipaghahanda na naman siya ni Liam ng green tea na good for for
