MASAYA si Tere na pinayagan siya ng kaniyang Papa Amado na manood ng basketball. Hindi na rin ito nagpumilit na ipahatid siya sa family driver nila. Kaya nag-tricyle na lang si Tere dahil malapit lang naman. Ganoon kapanatag ang ama ni Tere kapag alam nitong nasa paligid lang si Liam.
Hindi nagtagal ay nasa Plaza Miranda na si Tere. Nasa pagitan iyon ng Hacienda Ramona at Hacienda Felicita. May kani-kanila baskteball court naman ang dalawang hacienda. Pero mas masaya sa Plaza Miranda dahil mula sa iba't ibang bayan ang naglalabanan. Kahit laro-laro lang ay dinadayo pa rin ng mga manonood.
Sinipat muna ni Tere ang sarili bago tumungo ng basketball court. Shorts na may katamtaman ang igsi at kulay-peach na sando ang suot niya. Hindi ganoon palagi ang suot niya kapag nasa labas ng bahay. M
