NAGTAKA si Tere nang pagpasok niya kinabukasan ay walang Jimson ang sumalubong sa kaniya sa gate. Dati naman, pagbaba pa lang niya ng kotse sa tuwing hinahatid siya ng family driver nila o kaya ni Don Amado, nakaabang na agad ito. Nag-alala tuloy si Tere. Kagabi pa kasi niya tinatawagan ang nobyo pero hindi naman ito sumasagot.
"Good morning, Tere! Puwede bang sa inyo uli tayo magpa-practice ng sayaw sa susunod na linggo?" Sa halip na si Jimson ay ang kaklase at kagrupo niya sa sayaw na si Tezza ang sumalubong sa kaniya.
Nang dahil kasi sa pagsisinungaling niya kay Liam kahapon kaya napa-oo tuloy siya nang mag-chat si Tezza at nagtanong kung puwede raw ba silang mag-practice sa bahay nila.
"Sure. Basta chat n'yo lang ako if may practice tayo," nakangiting sagot ni Tere.
"Thanks." Ngum
