"BUMALIK ka na roon sa party. Baka hanapin ka ng mga bisita," pagtataboy ni Tere kay Liam sa pangalawang beses. Gusto niyang umalis ito para bumalik na sa normal ang t***k ng puso niya. It's been five years pero apektado pa rin ng presensiya nito ang bawat parte ng pagkatao niya.
"Hindi naman ako ang may birthday, ah. Si Lola. Kaya hindi kawalan ang presensiya ko."
Sa kanila, hindi. Pero sa'kin, oo. Dahil limang taon kong hinanap-hanap ang presensiya mo, Kuya Liam. gusto sanang sabihin ni Tere. Mabuti na lang at napigilan niya ang kaniyang sarili.
"Mabuti naman at naisipan mo na akong kausapin." Iyon ang hindi napigilan ni Tere na ibulalas. "Napansin ko kasi, sa tuwing umuuwi ka rito, iniiwasan mo ako."
Hindi nakasagot si Liam. Huminga lang ito nang malalim. At parang gustong pagsisi
