"DAHIL ayaw naman akong pagtrabahuin ni Papa kaya patulong-tulong na lang ako sa kaniya sa hacienda," pagkukuwento ni Tere. Imbes na sa gazebo ay sa malawak na bermuda grass sila bumagsak. "At may natutunan naman ako kahit hindi rin ako gaanong pinapa-hands on ni Papa."
Malayo-layo na rin ang narating ng kuwentuhan nila ni Liam habang umiinom ito ng alak. Siya naman ay ice tea lang.
Nalaman ng dalaga na kaya nito iniwanan ang football para saluin ang kumpanya ng pamilya; alang-alang sa pagmamahal sa ama at sa kapatid. Lalong napahanga si Tere sa mga pinagdaanan ni Liam sa bago nitong career.
"Out of boredom, naging fangirl na rin ako ng ibang sikat na celebrity sa social media," dagdag pa ni Tere. "Kung saan-saan na ako nakakarating para lang makita at makapag-selfie sa kanila. Iyon n
