Napaayos ako ng upo nang makitang bumalik na si Theo sa table. Nakita ko rin na tahimik kaming pinapanood ni Honey at Rasdy kaya hindi ko mapigilan na hindi mahiya at mapayuko na lamang. Dahan-dahan na tinanggal ko ang earphone sa tainga ko at iniabot iyon kay Clyden, huminga ako ng malalim at binuklat na lamang ang libro na nasa harapan ko saka nagsimulang magbasa.
Ilang sandali pa ay dumating na ang mga in-order namin. Tahimik na kumain kaming lima at nang matapos ay sandali pa kaming tumambay sa café bago nagkayayaan na umalis. Ramdam ko pa ang mga titig ni Clyden habang naglalakad kami palabas ng café ngunit hindi ko na lamang iyon pinansin at lumapit kay Honey.
Dalawa lamang kami ni Honey na bumalik sa university dahil may kikitain daw muna sina Theo. Mahaba pa ang free t
