Hindi kami close ni kuya Gun. Palagi niya akong sinusungitan at sinisigawan, kahit wala naman akong ginagawang masama sa kanya palagi siyang nagagalit.
Pero hindi ko alam kung bakit sobra akong naapektuhan sa pag-alis niya. Pakiramdam ko hindi na tulad ng dati ang mansyon. Ibang iba na.
“Baka naman may saltik 'yang kuya mo? Bakit naman aalis pa siya ng mansyon niyo eh mansyon na nga 'yon?”
Napailing na lang ako sa sinabi ni Darcie saka pinilit na ibaling ang pansin sa binabasa kong libro. Minsan hindi ko alam kung saan nakukuha ni Darcie ang mga ideya niya sa mga bagay bagay.
“Kung ako nakatira sa mansyon nako, hindi na ako mag-aaral,” sabi niya naman. Natawa na lang ako.
Sabi sabi niya lang iyan. Alam ko kung gaano kahalaga para sa kanya ang edukasyon.
“Baka naman gusto niya lan
