Tahimik kaming pareho, walang nagsasalita.
Napayakap ako ng mahigpit sa sarili ko. Kahit pa may coat akong suot pakiramdam ko nakahubad pa rin ako. Napakagat na lang ako sa ibabang labi ko saka napabuntong hininga.
Napatingin ako kay kuya Gun na tahimik na nakaupo sa couch, medyo malayo ang pwesto niya sa akin. Napansin ko na nakakuyom ang kamao niya habang nakatitig siya mini table na tila may malalim na iniisip.
Napatungo na lang ako. Hindi niya ako dinala sa mansyon, nandito kami ngayon sa unit niya at sa totoo lang ay pabor ako ro'n dahil ayokong makita ako nina tatay at Kionn na ganito ang hitsura. Mag-aalala sila lalo na si tatay.
Hanggang ngayon ay hindi pa rin ako makapaniwala sa nangyari. Hindi ko akalaing magagawa sa akin iyon ni Jad. Akala ko talaga ay mabait siya, kung sana
