Nararamdaman ko ang marahan niyang paghaplos sa buhok ko habang nakasubsob ako sa matipunong dibdib niya.
Hindi ko alam kung bakit, parang kumalma ang damdamin ko sa bawat haplos niya sa buhok ko. Parang pinapagaan no'n ang damdamin ko, hindi ko maipaliwanag.
“Okay ka na ba?” tanong niya sa malumanay na boses saka mas hinigpitan ang pagyakap sa akin na tila ba ayaw na niya akong pakawalan.
Pinakalma ko muna saglit ang puso ko saka marahan ko siyang tinulak palayo sa akin. Hinawakan niya ang magkabilang pisngi ko at pinahid ang mga luha ko habang nakatitig sa akin. Hindi naman ako makatingin ng ayos sa kanya, nahihiya ako sa inasal ko kanina.
“You can't take it back Lorraine, those words that you've said earlier, you can't it back 'cause I heard it clearly,” seryosong sabi nito saka hi
