Chapter 40: Sabotahe ng ibang Kompanya
HINDI alam ni Denzel kung ano ang pinakain ni Hezekiah sa dalawang bata dahil mabilis nitong nakuha ang tiwala ng kambal. Ang ingay na ng tatlo habang pauwi na sila sa tinitirhang bahay. Kaya nang dumating sila ay hindi nila namalayan.
Naunang bumaba ang dalawa kasama ang yaya ng mga ito. “Maraming salamat, ha. Sobrang nag-enjoy ang mga bata.
“Naku, magaan lang ang loob ko sa kanila at hindi sila mahirap pakisamahan. Ang babait ng dalawa. I hope marami pang oras para makalaro ang dalawa.”
“Marami pa namang panahon kaya huwag kang mag-alala.”
Lumawak ang ngiti ni Hezekiah, “thank you.”
“Walang anuman.”
Pagkababa ni Denzel sa kotse ay hindi na muna sila pumasok sa loob ng bahay. Hinintay na muna nilang makaalis si Hezekiah saka palang pumasok.
