Chapter 30: Ang Base ng Skull
HINDI sukat akalain ni Hezekiah na ang kanyang ama palang si Ronald ay isa sa mga miyembro ng Skull. Mas lalo pa niya itong ikingalit at pakiramdam niya ay sasabog siya sa anumang sandali. Hindi niya alam kung ano gagawin kapag kaharap niya ito. Isa lang ang sigurado. May kalalagyan ang kanyang ama kahit pa’y kadugo niya ito. Paano nito naaatim na maging masamang tao sa kabila na ang kanyang anak na lalaki ay isa palang agent? Kaya hindi na siya nagtaka pa. Isang bagay na sigurado si Hezekiah. Makukulong ito at mabubulok sa kulungan.
“Sigurado ka ba na hindi mo na kailangan ng tulong namin? Marami-rami ring tao sa isla na kasapi ng Skull at sobrang mahaba-habang labanan ang mangyayari,” wika ng lalaki na noo’y nakaupo sa harapan ng kotse. Hindi na sumama ang
