Sinunod ko ang suhestiyon ni Rejil na umuwi ng probinsya upang hindi na maulit pa ang kaguluhan nang biglang magpunta sa bahay namin si Brent. Ipinaliwanag ko kay Ma’am Rona na hindi na ako makakapasok pa at ibawas na lang sa last pay ko ang mga absenses. Nag-iwan na rin ako ng instruction sa accounting na kung sakaling dumating ang aking quit claim at last pay ay ipa-courier na lang ito sa aking bagong address.
Ilang taon na rin akong hindi nakauwi sa amin kaya nagulat ang aming kapitbahay nang iparada ni Rejil ang kanyang pick-up sa harap ng bungalow naming bahay. “Mabuti na lang at hindi pa tuluyang nasira itong bahay,” sabi ko bago bumaba.
“Bakit naman masisira eh pulido naman ang pagkagawa nito. Dito na muna kayo ni Karla at ipaalam mo sa akin kaagad kung magpapakita ang lalaking
