"From now on, you need to look good whenever your outside." Pinaikot ako ni Eurice saka ulit iniharap sa kanya, "At dapat doble ingat ka na. Mag-wig ka kapag papasok at lalabas ng club na 'yon. Hindi kita p'wedeng basta na lang kunin do'n. Maimpluwensyang tao ang nasa likod ng club na 'yon. Baka kung manghimasok kami... malalaman nina Papa at baka lalo lang gumulo ang lahat."
Napayuko ako. Nahihiya ako at nanliliit sa sarili. May isa na namang tao ang nakakaalam sa tunay na ako. Pakiramdam ko hindi ako nababagay na makisalamuha sa kanila. Isa pa, baka mapabilis ang lahat para malaman ni Hujin ang totoo. Mas lalong ayaw kong mangyari iyon. Hindi pa ako handa. Natatakot ako baka kapag sinabi ko, tuluyan na siyang hindi magpapakita. Hindi ko rin alam kung matatanggap ko ang mga masasama niy
