JAXON
Matapos kumain ay pareho kaming tahimik ni Amara. Hindi niya ako kinibo at gano'n din ako. Bigla na lang naging awkward ang pagitan namin matapos ang ilang ulit na biglang pagdaan ng tila alaala o bahagi ng eksena sa palabas na hindi ko maalala.
May mga pagkakataon na nakakaranas ako ng ganito pero iba ngayon. Dati malimit sumakit ang ulo ko pero itong huling beses na naranasan ko ito ay bigla na lang akong natutulala at na blanko ang ekspresyon ng mukha dahil sa kasalukuyan na naranasan ko.
Napa-buntong-hininga na lamang ako ng maalala ang mga mata ni Amara. Kakaiba iyon sa lahat ng mga taong nakasalamuha ko.
Para bang may kung ano kay Amara na nagtulak sa mga bagay na lumalabas sa utak ko na hindi ko maintindihan kung saan ang pinanggalingan nito.
Nagpa-baling-baling ako sa hi
