JAXON
Iniwan kong mag-isa sa bahay si Amara dahil kailangan kong pumasok sa trabaho. Hindi ko naman kasi siya pwedeng ipagtabuyan lalo na alam ko naman ang kondisyon nito. Umaasa at lihim na nanalangin lang ako na huwag sana siyang gumawa ng kung ano na ikasisira sa loob ng bahay dahil hindi ko alam kung paano ito ipapaliwanag ito kina Kuya Jack kapag bumalik na sila galing probinsya.
Nakakahiya kasi na pinatira na nga nila ako ng libre tapos may isinama pa ako sa bahay nila. Alam ko na masisira ko ang tiwala ng mag-asawa kaya lang hindi ko naman kasi kayang pabayaan si Amara sa ganoong kondisyon lalo na at may sugat ito at hindi man lamang nag-abala na isipin ang kaligtasan na pumunta sa ospital.
"Uy Jaxon, kanina ka pa d'yan tulala tinatawag ka sa loob," kalabit sa akin ni Angie.
Na
