Nasa loob ng apat na sulok ng kanilang kwarto si David at Bertrant. Magkaharap na nakatayo malapit sa bintana. Malalim na ang gabi pero gising na gising pa rin ang kanilang mga diwa at mataas ang tensyon sa pagitan nilang dalawa.
“Please! Hayaan mo na ako! Gusto kong makahinga. Gusto kong magawa ang mga nais ko. Gusto kong magkaroon ng kalayaan na gawin ang mga pangarap ko. Mahirap bang ibigay sa akin ang mga iyon?” Nilakasan na ni David ang loob para sabihin sa asawa ang mga nais niyang sabihin. Hirap na hirap na siya kaya gusto na niyang makalaya.
Diretso naman ang tingin ni Bertrant sa asawa.
“Ano bang problema? Masama ba talaga na maging selfish ako at hindi ka hayaang gawin ang mga nais mo? Asawa mo ako kaya sana pakinggan mo rin naman ang mga sinasabi ko. Isipin mo naman ang mga n
