Lumabas ng kanyang kwarto si Maxwell. Wala itong suot sa katawan kundi ang kanyang boxer short kaya litaw na naman ang magandang hubog ng kanyang katawan. Nakapatong sa kanang balikat niya ang puting twalya na kanyang gagamitin sa pagpupunas at pantakip mamaya pagkatapos maligo.
Naglakad si Maxwell pababa ng hagdanan, nang marating ang huling baitang ay kaagad na itong tumungo sa kusina. Naabutan niya si David na nasa harapan ng lababo at abala sa ginagawa nitong paghuhugas ng kanilang mga pinagkainan. Napangiti si Maxwell dahil sa nakikitang kasipagan nito.
“David,” pagtawag ni Maxwell kay David.
Sandaling tumigil naman sa ginagawa si David para tingnan si Maxwell pero kaagad rin itong umiwas nang tingin dahil sa nakita niyang wala namang suot na pang-itaas at tanging boxer lamang ang
