Malapit nang sumapit ang hating gabi. Mahimbing na ang tulog ni David pero naputol iyon dahil sa naalimpungatan siya bunsod nang pagkaramdam ng uhaw.
Iminulat ni David ang kanyang mga mata. Bumangon mula sa pagkakahiga at naupo ng sandali sa kama pagkatapos ay nagpasya siyang umalis sa ibabaw nito at naglakad palabas ng kwarto.
Dahan-dahang bumaba nang hagdanan si David. Iniiwasang makalikha ng ingay para hindi magising si Maxwell. Nang makababa sa hagdanan ay kaagad na siyang dumiretso sa kusina.
Akala niya ay tulog na si Maxwell ngunit nagkamali siya. Naabutan niya itong nasa kusina rin, nakaupo sa isa sa mga upuan na nasa dining table at may hawak na lata ng beer.
Napatingin si Maxwell kay David na kapapasok lamang sa kusina. Nagtaka pa siya kung bakit gising pa ito.
“Gising ka pa
