“MARYEY, puwede bang samahan ng kaunting bilis ang kilos?” pagmamadali pa sa kanya ni Irene.
“Oo nga. Sinabi na kasi na dapat pagdating namin dito ay nakaayos ka na,” segunda naman ni Nikko.
Inirapan niya ang dalawang kaibigan. “Heh! Kung puwede nga lang din ay hindi na ako sasama sa inyo. Wala ako sa mood umalis ng bahay.” Matapos pasadahan ng suklay ang buhok at magwisik ng pabango ay nilapitan na niya ang dalawang kaibigan. “Saan ba talaga tayo pupunta?”
“Mag-ge-get together. Ang tagal na rin noong huli tayong makumpleto,” ani Irene na hinila na siya palabas ng silid niya.
Hindi na siya nag-usisa pa, tutal ay na-miss din niyang kasama ang mga ito.
Napangiti siya ng humatong sila sa Monterey Mall, masyadong memorable ang lugar na iyon sa kanya.
May ilang oras din silang nasa loob n
