NANGINGINIG ang kamay na basta na lang binitiwan ni Maryey ang hawak na cellphone sa ibabaw ng kanyang kama. Napalunok siya. Hindi niya matanggap ang nakitang larawan na s-in-end sa kanya ni Irene.
Stolen shot iyon ni Sergio na may kasamang babae na pasakay sa kotse nito.
Lumunok siya at huminga ng kung ilang beses upang paluwagin ang naninikip na dibdib. What was that for? Bakit may kasamang ibabang babae si Sergio? Babaeng ni hindi pa niya nakikita o kilala man lang. Alam niyang hindi iyon relative ng nobyo dahil nakilala na niya ang mga kamag-anak nito nang magkaroon ng kasiyahan sa bahay ng mga ito kung saan imbitado ang mga kamag-anak nito both sides.
Mabilis siyang naligo at gumayak. Hindi siya matatahimik hanggat hindi nabibigyang linaw ang naturang larawan. Ayaw naman niya na ma
