“SAAN KA pa pupunta?”
Nagpatuloy sa paglalakad si Maryey at hindi pinansin si Sergio.
“Hon!”
Saka lang ito huminto sa paglalakad at nilingon siya. Itinuro naman niya ang pinto ng kanilang suite. “Dito ang suite natin.”
“Mauna ka sa loob. Matulog ka na rin.”
Humalukipkip siya. “At saan ka naman pupunta?”
“Sa roof, magpapahangin. Pakiramdam ko ay nabitin ako sa nilanghap kong hangin sa labas. Babalik din ako kapag tulog ka na,” anito na muling nagpatuloy sa paglalakad.
Akala niya ay nagbibiro lang ito pero hayon at lumiko na sa pasilyo. Naiiling na sinundan niya si Maryey. Naabutan niya itong nag-aabang sa pagbukas ng elevator.
Walang imik na parang sako ng bigas na binuhat niya ito sa balikat niya. Ganoon na lang ang palirit nito sa ginawa niya.
“Sergio!”
“Maghapon tayo sa labas,
