SINUPIL ni Maryey ang isang ngiti na nagpipilit kumuwala ngayon sa kanyang mga labi. Hindi pa rin maipinta ang guwapong mukha ni Sergio.
Lumanghap siya ng sariwang hangin at pinuno ang kanyang baga bago muling sinulyapan si Sergio na wala pa ring imik na nakatanaw sa dagat. Hindi niya alam kung bakit sa dinami-rami ng lugar sa Pagbilao na puwedeng puntahan ay sa may Bantigue pa sila nakarating. It was a ten minutes’ drive from Maharlika Highway.
"Hindi ka pa rin ba nakaka-move on kay Nikko?" Basag na niya sa pananahimik nito. Kung seryoso nga ito sa pagsasabing nagseselos ito kanina, hindi rin niya sigurado. Pero sa kilos nito ay hindi niya maiwasang umasam na sana ay totoo.
Isang dipa lang ang layo niya mula sa binata. Nakatayo ito kagaya niya. Pinalis niya ang ilang hibla ng buhok na
