MATAMANG tiningnan ni Sergio ang ama bago nagsalita. “No, Dad,” matigas niyang saad. “Tatapusin ko lang ang pinakiusap ni Tito Takinaga at pagkatapos niyon ay babalik na uli ako sa Manila.”
“Narito ka na sa Pagbilao City tapos gusto mo ay babalik ka pa sa Manila? Inaaksaya mo lang ang oras mo roon.”
“Dad, naroon ang negosyo ko.”
“Negosyo mo? Alin? Iyong pipitsuging restaurant?” Napailing ito.
Napatiim bagang siya sa sinabi ng amang si Eugine Delavin. “At least ako ho ang nagpundar ng tinutukoy ninyong pipitsuging restaurant.”
“That’s nonsense. You’ll stay here or else mawawala ang ipinundar mo sa Manila. Ipagbili mo ‘yon kung ayaw mong sirain ko.”
“At pagkatapos ano ho?”
“Kailangan pa bang itanong ‘yan? Of course, you’ll help me with our business. Alam mo naman na wala akong ibang a
