ADONIS:
NANGINGITI ako na pinapakiramdaman ito. Nasa ibabaw ko na panay ang nakaw ng halik sa akin na napapahagikhik. Dinig ko na rin ang ingay mula sa mga kapitbahay namin kaya nakatitiyak akong mataas na ang sikat ng araw.
Mabigat pa ang katawan ko dala ng puyat at tinatamad pumasok ngayon sa trabaho. Idagdag pang may makulit akong nobya na kasama ngayon. Parang gusto ko na lamang magkulong kaming dalawa buong maghapon dito sa silid.
“Uhmm.”
Mahina akong napaungol na mas pinalalim nito ang pang-aangkin sa mga labi ko kahit tulog ang tao. Napahagikhik naman itong sumubsob sa leeg ko.
Napayakap ako dito na mabilis pinagpalit ang pwesto naming ikinamilog ng mga mata nito. Nangingiti akong dahan-dahang nagdilat ng mga mata at kitang pinamulaan itong nagising niya ako at nabisto ko siya
