ADONIS:
ILANG minuto kaming nanatili sa labas ng gate ni Madam. Tahimik na nakaupo sa motor at nagpapakiramdaman.
"Okay ka na ba? Pwede na tayong pumasok?" pambabasag nito sa nakabibinging katahimikan namin.
Napahinga ako ng malalim. Mariing napapikit na pinakiramdaman ang sarili. Ramdam ko namang mas naibsan na ang kaba ko kumpara kanina. Na para akong mabubuwal na hindi makatayo ng maayos dala ng matinding kaba ko.
"Sige," pagsang-ayon ko.
Napangiti itong iniabot ang kamay sa akin. Inalalayan ko naman itong makababa ng motor ko. Papasok na kasi dapat kami kanina. Pero dahil mas naghahari ang kaba ko ay nagpalipas na muna kami ng ilang sandali dito sa labas.
Napapahid ako ng noo kong nagsisimula ng pamawisan habang magkahawak kamay kaming pumasok ng gate. Napapayuko pa sa amin ang
