"They're here," walang gana at malungkot nitong saad sabay balik nito ng tingin sa laot.
Siya namang hindi nakuha ang sinabi nito ay napalibot ng tingin sa paligid sa pag-asang makita ang tinutukoy nitong dumating na raw subalit wala siyang makitang ibang mga tao na paparating sa kinaroroonan nila.
"Sino?" kunot-noo niyang tanong rito. Nang hindi ito sumagot sa kanyang tanong ay may pagdududang sinita niya kaagad ito. "Nagda-drugs ka ba?"
Agad itong napalingon sa kan'ya na tila hindi makapaniwala sa kanyang akusasyon.
"What?!" bulalas pa nito sa hindi maipintang mukha.
"Kung anu-ano na kasi iyang pinagsasabi mo. Para kang tulog habang gising naman. Hindi kita maintindihan. Ang sabi mo narito na sila pero wala naman akong namataang mga tao na dumating o paparating pa lang," pagtatala
