Inilaan ni Miles ang dalawang linggong leave sa Cebu upang sulitin ang pagkakataong makasama ang kanyang nanay. Oras kasi na makabalik na naman siya ng Maynila ay panibagong assignment na naman ang kanyang kahaharapin at mawawalan na naman siya ng panahon na makauwi upang bisitahin ito.
Nang araw ding iyon ay naghanda sila para lumabas. Balak niyang ipasyal ang ina sa siyudad upang bilhan ng mga kagamitang nais nito para sa sarili. Mamimili rin siya sa mall ng mga displays para sa bahay nilang patuloy pa rin sa pag-construct. Pinalakihan niya kasi ito, pinalawak at balak niyang gawan ito ng palapag na aabot hanggang third floor.
"Miles, mamili ka naman ng desenteng susuotin, nak. Napapansin kong puro na lamang gutay-gutay iyang mga pantalom na sinusuot mo. Baka pagkamalan kang hinabol ng
