#TMNFABKabanata11
Sorry
MARIA
Nagising ako sa pananakit ng tiyan ko, pagbaling ko sa kanan ko ay mahimbing na ang tulog ni Portia. Ni hindi ko na nga namalayan ang pagdating niya dahil nakatulog na ako matapos kong makausap si Ate Vanessa. Nakahinga ako ng maluwag nang marinig na wala siyang pinagsabihan sa probinsya, kaibigan niya raw sa social media iyong isa sa mga bisita at nagulat siya nang makita ako sa myday ng tao na ‘yon na ikinakasal.
Nakagat ko ang labi ko nang maramdaman ang pagkirot pa lalo ng tiyan ko. Sabi ko na nga ba at magkakaganito ako dahil sa kinain ko. Mukhang hindi ako natunawan lalo pa’t nakatulog din ako agad.
Sa pangambang maistorbo si Portia ay bumangon ako at nagtungo ng banyo. Napangiwi ako nang makitang maputla ako. Pinipilit kong dumighay pero walang na
