#TMNFABKabanata21
Hold
MARIA
“Teka lang naman, anak, binibigla mo naman kami ng Inang mo. Ang kanina’y sabi mo pabalik kayo ng Maynila tapos ngayon nandiyan ka sa airport at lilipad kamo patungong Maldi—ano nga iyon?”
“Maldives, Itang. Tapos magtutungo din ho kami ng Greece—”
“Tiyak kong malalayo ang mga ‘yan, may mga dala ka bang gamot? Iyong sa hika mo? Hindi ka na sinusumpong pero hindi ba’t nabilhan ka ng Inang mo no’n? Iyong sa hilo tapos magdala ka rin ng mga pamahid.”
Napatingin ako sa backpack na nasa hita ko at tumango-tango. Naalis ang tingin ko ro’n at napatingin kay Perseus na may kausap na babae. Siya iyong naghatid ng dalawang maleta na sabi ni Perseus ay siyang magiging gamit namin.
Kita kong napasulyap siya sa akin at tipid akong nginitian nang magtagpo ang tingin n
