BUMISITA si Andres sa mansyon. Nag-aalala siya sa kalagayan ni Paloma lalo na’t pasan ng babae ang problema sa kanyang pamilya. Gusto niya ring sisihin si Leonardo dahil sa nangyayari, ngunit natatakot siyang malagot kay Gregorio o kay Don Marcelino. Hindi niya rin gustong magalit si Paloma sa kanya. Alam niyang kahit maganda ang relasyon ng dalawa ay pipiliin at pipiliin pa rin ng Senyora ang kanyang asawa kaysa sa kanya.
Napatingin siya sa silid ni Paloma. Nakasara ito at tila walang tao, marahil ay pumunta sa pagamutan upang bisitahin at alagaan ang kanyang ama. Tumungo siya sa kusina pagkatapos noon upang ilapag ang mga santol na kanyang dala dala. Nadatnan niya ang kanyang asawang si Betina na naghahanda ng pagkain.
“Bakit ka nandito?” tanong ni Betina sa kanya, sa tono ng kanyang p
