“DEO?”
Mabilis kong binawi ang aking kamay mula sa kanya. Ngumisi siya nang mapait dahil sa ginawa ko.
“Ano’ng ginagawa mo rito?”
“Visiting you? I heard na-confine ang Tita mo rito.”
I scoffed. “Visiting me? Hindi naman ako ang na-confine. ”
Humakbang ako paatras para magkaroon ng malaking distansya sa pagitan naming dalawa. Agad na rumihestro ang disgusto sa kanyang mukha. Namulsa ako sa suot kong jacket.
“Bakit? Masama bang bisitahin ka? Kasama mo ba ‘yong hambog mong nobyo? Where is he?”
Nagpalinga-linga siya na parang tinutuya niya ako.
“Tsk! Hindi ka man lang niya sinamahan dito? What an irresponsible punk!”
Ikinuyom ko ang aking kamay para pakalmahin ang sarili ko. Halata namang sarkastiko siya. Hindi ko alam kung bakit bigla na lang siyang nagpakita ulit pagkatapos no’n
