“SAAN ba talaga kayo ngayon nakatira? Bakit ayaw mong magkuwento? Parang ibang tao naman ako sa ‘yo,” nakangusong untag ni Keara.
Palabas na kami ng production floor para makauwi. She’s been blabbering about it for a couple of weeks. Pero ayaw kong malaman niyang nasa condo kami ngayon ni Alexis pansamantalang nakatira. Wala naman kasing saysay pa dahil tiyak na kapag malaman niya’y mauungkat na naman ang mga bagay na pilit ko nang kinakalimutan. Mabubuksan na naman ang mga malalalim kong sugat kapag napag-usapan ang mga iyon.
“Bakit ba interesado kang malaman? Gusto mo bang bayaran ang renta namin?”
Umirap siya. “Grabe ka naman! Ayaw talagang sabihin sa ‘kin. Hanggang ngayon kasi nagtataka ako kung bakit biglang nagbago ang isip mo na hindi na tumira malapit sa apartment ko.”
“Fine!
