“ANO kamo, Yuri? Nakahanap ka na ng malilipatan nating apartment?”
“Opo, Nay. Katatawag lang ni Keara, pinadalhan nga niya ako ng pictures ng apartment. Malaki siya at kakasya tayong apat doon. Medyo pricey nga lang, pero kakayanin naman namin ni Armea ang renta.”
Ipinakita ko sa kanila ang mga litrato na nasa cellphone ko. Kumunot ang noo ng dalawang matanda. Pagkauwi ko kanina galing sa clinic para samahan si Armea sa pagpapa-checkup ay tumawag sa akin si Keara na may nahanap na siyang bakanteng apartment, malapit lang din daw sa kanila. Mga mahigit kalahating kilometro siguro ang layo.
“Teka, bakit pa tayo lilipat? ‘Di ba mas maayos tayo rito sa condo ni Alexis?” nagtatakang tanong ni Tita Adina.
“At napag-usapan n’yo na ba ‘yan ni Armea?” Si Nanay.
Napangiwi ako sa mga tanong n
