Kabanata 2
1060 Words
Kabanata 2
NANG naroon na siya sa building kung saan naroon ang kanilang opisina ay dumaan pa muna siya sa cafeteria para bumili ng kape.
Papasok na siya sa hallway nang bigla niyang mabangga ang isang lalaki na nagmamadali. Nawalan siya ng balanse at natumba.
"s**t! Ang balakang ko," mahinang bulalas niya sabay hawak sa kanyang balakang.
"Clumsy," anang lalaki sa harapan ni Bridgette. Mabilis siyang nag-angat ng kanyang ulo dahil sa sobrang inis. Saglit siyang natulala. He was so handsome! He looks like a foreigner too. Sandaling nawala ang inis niya sa lalaki. Inismiran naman siya nito at mataman lamang siyang tinitigan ng lalaki. Pagkatapos niyon ay agad din naman itong umalis.
Nagdudumilat naman ang mga mata ni Bridgette dahil sa inasal ng lalaking nakabangga niya. Mabilis siyang tumayo at hahabulin na sana ito ngunit hindi niya na makita ang lalaki. Inis siyang napapadyak ng kanyang mga paa at inayos na lamang ang nagusot niyang damit.
Bumalik na lamang siya papunta sa cafeteria. Mabilis siyang nag-order ng kape at sumakay din naman siya agad sa elevator dahil nasa fifth floor pa ang kanilang opisina.
Nang naroon na siya ay agad din naman siyang nagtungo sa kanyang desk.
"Ang aga mo yata ngayon Bridgette? Sinabon ka na naman ba nang talak ng madrasta mo?" ani Karen sabay upo sa kabilang cubicle na katabi lang din niya. Si Karen ay isa sa mga naging close friend niya rito sa call center.
"Hindi naman na bago iyon," sagot niya sabay sandal ng todo sa kanyang swivel chair.
"Bakit kasi ayaw mo pang umalis sa poder niya? Matanda ka naman na. Puwede ka na magsarili," ani Karen habang nakasilip sa kanya.
"Alam mo naman na hindi ko maiwan ang kapatid ko," sagot niya habang hinihilot ang pagitan ng kanyang mga kilay.
"Sus! Isa pa iyang kapatid mo na iyan. Nakikita naman niya na inaalila ka na ng madrasta mo pero wala naman siyang pakialam sa iyo," ani Karen sabay irap sa kanya.
Umayos naman siya sa pag-upo at humarap kay Karen.
"Nangako ako sa Papa ko na hindi ko iiwan ang kapatid ko."
Karen rolled her eyes.
"In your case? Maiintindihan ka naman siguro ng Papa mo kung bubukod ka. Saka kung nabubuhay lang iyon, baka siya na mismo ang pumilit sa iyo na umalis," ani Karen.
Marahas naman siyang napabuga ng hangin.
"Ewan ko Karen," sagot niya na lamang.
"Okay lang naman maging maawain, huwag lang dapat sumobra kasi ikaw lang din ang magiging kawawa. Okay sana kung ipinagtatanggol ka ni Miranda sa tuwing inaaway ka ng madrasta mo. Kaso hindi, 'di ba? Know your worth my friend. Love yourself too," ani Karen at muli siya nitong sinilip.
Hindi siya nakakibo sa sinabi nito dahil alam niyang may punto naman talaga si Karen sa mga sinasabi nito. She don't love herself enough that is why, people around her are taking advantage to her. She silently sighed again.
Napansin naman ni Karen ang pananahimik niya kaya mabilis nitong pinagulong ang mga gulong ng swivel chair nito at tumabi sa kanya.
"Down na down ka na naman? How about gala tayo sa mall?"
"Pass muna ako riyan, ang dami kong bayarin ngayon," agad na tanggi niya sabay sapo ng kanyang noo.
"Ako bahala, libre kita," excited pang wika ni Karen sa kanya.
"Ang dami ko na yatang utang sa iyo Karen," aniya at hilaw siyang ngumiti sa kaibigan.
"Sus! Hindi naman ako naniningil. Saka mo na ako bayaran kapag nakaluwag-luwag ka na. Ikaw naman ang manlibre sa akin," nakangiti pang wika ni Karen.
Napangiti naman siya at tumango sa kaibigan.
"Tara! Mamaya pa naman ala una ang pasok natin," ani Karen sabay balik sa cubicle nito. Tumayo na ito at pinatay ang computer na nasa harapan nito. Marahas naman siyang napabuga ng hangin at tumayo na rin.
Umingkis naman si Karen sa kanya at iginiya na siya nito palabas ng opisina.
Nang makalabas na sila ng building ay agad din naman silang pumara ng taxi. Ngunit bago pa sila makasakay ay muli naman niyang namataan ang mistisong lalaking nakabangga niya kanina nang papunta siya sa cafeteria.
He was in his black formal office attire. He looks clean and neat. Very sophisticated and he's looking so smart like a bachelor. Kaya lang ay masungit naman ang expression ng mukha nito at halatang buwesit na buwesit sa kaharap nitong lalaki. Sa hula niya ay assistant yata nito ito.
She can't stop staring at him. Natigilan naman siya nang muling magtama ang mga mata nilang dalawa ng lalaki. Seryoso siya nitong tinapunan ng tingin at kasabay niyon ay bigla itong umismid sa kanya.
Iirapan niya na sana ito ngunit mabilis naman siyang hinila ni Karen papasok sa loob ng taxi.
"Sino ba tinitingnan mo kanina?" biglang usisa sa kanya ni Karen.
"Ha? Wala naman," agad na tanggi niya.
Napatango-tango lang din naman si Karen sa kanya at hindi na siya nito kinulit pa.
NANG nasa mall na sila ay agad din naman silang namili ni Karen dahil maraming naka-sale ngayon sa Department store. Panay nga ang tanggi niya ngunit panay naman ang pag-push sa kanya ni Karen na kunin niya kung ano ang mga gusto niya.
"Karen, ang dami na nito!" angal niya sa kaibigan.
"Kulang pa 'yan, ano? Pili ka pa!"
Napabuntong-hininga na lamang siya habang sinasalo 'yong mga damit na pinipili ni Karen para sa kanya.
"Bakit ang galante mo ngayon?" curious niya pang tanong sa kaibigan.
"Naka-quota ako kahapon kaya may malaking bunos ako kay sir Ben," ani Karen at parang kinikilig pa.
"Sa quota ka ba kinikilig o kay sir Ben?" tukso niya pa rito dahil alam niyang matagal na itong may crush sa kanilang Supervisor.
"Both!" ani Karen sabay halakhak ng napakalandi.
Napatingin naman siya sa mga damit na kinuha ni Karen para sa kanya.
"Sure ka ba talagang libre mo ito lahat? Kasi puwede naman tayo hati sa bayarin, eh," aniya pa habang nakangiwi.
"Sure ako Bridgette. Bawi ka sa akin, next time, okay?"
Hiyang-hiya naman siyang napakamot ng kanyang ulo at walang nagawa kundi ang magpatianod na lamang sa gusto nito.
Kinabig naman na siya ni Karen sa kung saan-saang sulok hanggang sa mabili na nila lahat ang mga damit na kinuha nila.
Pagkatapos niyon ay niyaya siyang muli ni Karen na kumain muna sila sa food court bago sila magpunta sa salon dahil gusto nitong magpa-foot spa at pedicure.
- Writer
