CHERRY'S POV
Hindi ko na talaga kinakaya ang stamina ni Mamang pulis. Lahat na yata ng gamit dito sa bahay ay balak niyang sirain. Hindi talaga yata matatapos ang linggo na ito na hindi guguho ang buong bahay namin. Ako na lang ang naawa sa bahay namin.
Pumasok siya ngayon sa trabaho kaya mag-isa lang ako ngayon dito sa bahay. Hindi na siya panggabi ngayon. Kaya siguradong kasalo ko na siya sa hapunan.
Ngayong hapon ay nagbebenta pa ako ng halo-halo. Sayang rin kasi ang kikitain ko. Hindi kasi porket mag-asawa na kami ay aasa na lang ako sa kanya. Hahaha! Claim ko na asawa ko siya dahil napagkasunduan namin na magsama na. Hindi ako pwedeng umasa sa kayamanan niya. Balak kong pumunta sa palengke at daanan ko siya pag-uwi ko. Gusto ko lang siyang silipin doon, wala naman sigurong masama.
