Chapter Thirty-two
"Allegra, tapos mo na?" pukaw ni Ate Babe sa atensyon ko. Narito kami sa library at nag-aaral. Kanina pa kaming umaga rito dahil si Boss Xachary at Kaus the monkey ay umalis. Na-badtrip si Kaus the monkey dahil si Nana Astrid ang ipinakilala ko. Tsk. Arte pa siya. Si Nana Astrid pa nga ang lugi sa kanya.
"Opo, Ate Babe." Iniabot ko rito ang papel na pinagsulatan ko ng essay. Nang makuha niya iyon ay agad naman niyang binasa. Napapangiti pa nga ito sa essay ko.
"Matalino ka talaga, Allegra. Nakatutuwang mabasa ang mga ganitong essay. Punong-puno ng aral."
"Thank you. Magaling ka rin po kasing guro. Sabi mo sa akin ay i-express ko sa essay ko ang mga nais kong sabihin at pati na iyong nararamdaman ko. Kaya naman iyan po ang resulta." Maingat na inilapag ng babae ang
