Chapter Nineteen
"Hindi ako makatulog ng gabing iyon. Malakas ang buhos ng ulan. Kumukulog at kumikidlat pa. May takot ako sa mga gano'n dahil nawala ang mommy ko sa akin na gabi, malakas ang ulan, kumukulog at kumikidlat pa. Kaya no'ng gabing iyon ay bumangon ako dahil alam kong si lola lang ang makakatulong sa akin para makatulog. Sa tabi lang niya ako nakararamdam ng comfort. Siya lang ang taong handang yakapin ako sa gabi kapag takot na takot ako. That night... dala ko ang unan at kulambo ko. Nagtungo ako sa silid ng lola ko. Binuksan ko ang pinto, sunod ang ilaw, ang tingin ko'y dumeretso sa kama. Pero wala ang lola ko roon. Saka gumawi sa nakahandusay na katawan ni lola ang tingin ko. Nasa sahig siya. Sa labis na gulat ko ay nabitiwan ko ang dala kong unan at kulambo. Tumakbo ako pa
