Seryoso ang mukha ni Yvonne habang diretso lamang ang pagtingin niya sa harapan. Naka-pony tail ang kanyang buhok. Pinagpapawisan ang kanyang mukha, katawan at ang suot niyang kulay black na sports bra at cycling habang patuloy siyang tumatakbo sa treadmill na nasa loob ng kanilang bahay.
Iniisip ni Yvonne hanggang ngayon ang pinag-usapan nila ni Alexa. Hindi iyon mawaglit kahit isang saglit sa kanyang isipan na nagdudulot naman sa kanya ng pagkairita.
‘Bakit kaya niya sinabi sa akin iyon? Para ano? Para mag-isip ako ng kung ano-ano?’ sa isip-isip ni Yvonne. ‘Bruha talaga siya. Kunwari ay mabait ngunit nasa loob talaga ang kulob,” dagdag niya pa.
Mas binilisan ni Yvonne ang pagtakbo sa treadmill. Nakakaramdam na siya ng pagod at pagkahingal pero tuloy-tuloy pa rin siya.
Ilang minuto pa
