Nasa loob ng studio si Yvonne. Nakatayo siya habang nakahalukipkip ang mga braso. Kasalukuyang may photoshoot kung saan kinukuhanan naman ng mga litrato ngayon si Alexa.
Patingin-tingin si Yvonne sa lahat ng tao na nasa shoot ngayon. Tinitingnan niya ang pagiging abala ng mga ito sa kanya-kanyang ginagawa.
Napangiti nang maliit si Yvonne. Ilang sandali pa ay tiningnan niya si Alexa na nasa gitna naman at kinukunan ng litrato na gagamitin nila para sa TVC at billboards.
“Siguro naman hindi tayo nagkamali na siya ang kinuha natin, tama ba ako?”
Napatingin sa kanan si Yvonne nang marinig niya ang mga salitang iyon. Tumabi sa pagtayo niya ang head ng advertising department ng kumpanya na tiningnan rin siya saka ningitian.
Bahagyang tumango si Yvonne. “Hindi tayo nagkamali,” wika niya.
“N
