“Natapos na po ang paunang imbestigasyon tungkol sa mass negative comments sa website natin at base po dun, napag-alaman nilang sa fake accounts at trolls galing ang karamihan sa mga hate comments na natanggap ng produkto natin.”
Diretsong nakatitig lamang si Yvonne kay Fora na nakatayo naman sa harapan ng office desk niya at isa-isang sinasabi sa kanya ang mga developments tungkol sa imbestigasyon. Masusi siyang nakikinig sa mga sinasabi ng kanyang secretary.
“Sabi ko na nga ba,” mahinang sambit ni Yvonne. “Nalaman niyo na ba kung sino ang may gawa nito?” pagtatanong niya pa.
“Sa ngayon Ma’am ay ‘yun pa ang inaalam ng cybercrime at IT team natin,” sagot ni Fora.
Napatango-tango naman si Yvonne. Tila nabunutan siya ng tinik dahil nalaman niyang hindi produkto niya ang may problema kund
