Sobrang dilim na ng langit kaya naman nagliliwanag ang sinag ng buwan at tila mga dyamanteng kumikislap ang mga bituin. Nakakabingi ang katahimikan sa loob ng kwarto na tanging sinag ng buwan lamang na pumapasok sa bintana ang siyang tanglaw.
Magkatabing nakahiga sila Yvonne at Kelvin sa kama. Mahimbing na ang tulog ni Yvonne habang nakatihaya lamang sa pagkakahiga si Kelvin at nakatitig sa kisame. Parehas silang nasa ilalim ng comforter na malaking tulong para hindi sila masyadong lamigin ngayong malamig na gabi.
Mahinang nagbuga nang hininga si Kelvin. Tumatakbo sa isipan niya si Alexa. Iniisip pa rin niya ang nararamdaman niyang hinala tungkol sa dalaga, kung bakit ito lumalapit sa mundo ni Yvonne at pati na rin sa kanya. Hindi nawawala ang lakas sa pakiramdam niya na tila may binaba
