Mabagal na naglalakad si Yvonne. Tulala lamang siya na tila naglalakad sa kawalan at walang kamalay-malay na bakuran na ng kanyang bahay ang nilalakaran niya.
Naka-poker face lang si Yvonne. Walang emosyon ang kanyang mukha habang tumatakbo sa kanyang isipan ang naging usapan nila ni Rima. May bahagi sa kanya na mabigat ang kanyang loob dahil sa mga nasabi niya ngunit may bahagi din sa kanya na wala siyang nararamdamang pagsisisi sa mga binitawan niyang salita.
Mula naman sa tabi ng pintuan ay naka-indian sit si Kelvin. Mataman niyang tinitingnan ang asawa na si Yvonne. Nag-aalala ang itsura ng kanyang mukha. Ilang sandali pa ay dahan-dahan siyang tumayo saka naglakad palapit sa asawa.
Tumayo si Kelvin sa daraanan ni Yvonne. Nananatili namang tulala pa rin si Yvonne at hindi humihinto s
