Nasa loob ng isang karinderya na nasa palengke sina Kelvin at Rima. Magkaharap silang nakaupo sa isang pandalawahang mesa kung saan nakapatong naman doon ang dalawang baso ng orange juice, dalawang mangkok ng ulam at dalawang plato na mayroong tig-isang cup ng kanin na inorder kanina ni Kelvin.
Seryoso habang diretso ang tingin ni Rima kay Kelvin. Nakakaramdam naman ng hiya at pagkailang na rin si Kelvin ngayong kaharap ang nagpakilalang ina ng asawa niya.
Ilang sandali pa ay ningitian ni Kelvin si Rima. “Pasensya na po kung dito ko kayo dinala. Wala kasing malapit na restaurant dito sa palengke,” paghingi niya ng dispensa.
Hindi nagsalita si Rima na nag-ayos ng sarili para sa pagkikita nilang ito ni Kelvin. Nananatili lamang siyang nakatingin ng diretso sa asawa ni Yvonne.
“Oo nga po
