“Akala ko ba sa zoo mo ako dadalhin?” nagtatakang tanong ni Yvonne at tiningnan niya si Kelvin na kasabay niya ngayon sa paglalakad.
Tiningnan ni Kelvin si Yvonne. Ngumiti ito.
“Saka na lang kita dadalhin doon,” nangingiting sagot ni Kelvin. “Bakit? Ayaw mo ba dito sa tabing dagat?” tanong pa nito.
Sa halip na sumagot si Yvonne, umiwas na lamang ito nang tingin kay Kelvin at tiningnan ang paligid.
Magkasabay na naglalakad nang mabagal sina Yvonne at Kelvin sa tabing dagat. Umihiip ang malamig at maalat-alat na simoy ng hangin na dumadampi sa kanilang mga balat at nanunuot sa kanilang mga ilong.
Lumanghap ng sariwang hangin si Yvonne. Gumaan ang pakiramdam niya.
Nananatili namang nakatingin si Kelvin kay Yvonne. Sumilay ang ngiti sa labi nito.
Pamaya-maya ay huminto sa paglalakad si
